NAT-I ŞERİF-İ NEBEVİ

Âfitâb-ı subh-ı mâ evhâ Habîb-i Kibriyâ
Mâhitâb-ı şâm-ı ev’ednâ Habîb-i Kibriyâ
Cevher-i kül tâb-ı sûz-i mihrinin pervânesi
Şem’-i bezm-i Leylet-el-esrâ Habîb-i Kibriyâ
Akl-ı evvel kayd-bend-i aşkının dîvânesi
Nâzenîn-i Hazret-i Mevlâ Habîb-i Kibriyâ
Vedduhâ vasf-ı gülü Velleyl şerh-i sünbülü
Bâğ-ı Yâsin ravza-i Tâhâ Habîb-i Kibriyâ
Bülbül-i Levlâk zât-ı Li maallah lânesi
Bezm-i kurbe tûti-i gûyâ Habîb-i Kibriyâ
Sıdk ü adi ü hilm ü ilm-i zâtiye mazhar olup
Verdi çâr erkâne fer hakka Habîb-i Kibriyâ
Çâr-ı yâr-ı bâsafâ der hemdem-i kâşanesi
Sâhib-el-Mi’râc mevlânâ Habîb-i Kibriyâ
Ebru-yi ikbâlinin mâh-ı felek hasret-keşi
Bedr-i tâbân-ı cihan-ârâ Habîb-i Kibriyâ
Bezm-gâh-ı sâgar-i aşk-ı dil-i şûrîdegân
Neş’e-bahş-i âşık-ı şeydâ Habîb-i Kibriyâ
Kalb-i âriftir şarâb-ı şevkinin humhânesi
Sîne-çâk-i her dil-i dânâ Habîb-i Kibriyâ
Kâse-i in’âmmm şâh ü gedâ dil-teşnesi
Mest-i aşkı Hızr ile îsâ Habîb-i Kibriyâ
Cûyibâr-ı cûdunun mâh-ı münevver kûzesi
Teşnesi dünyâ vü mâfîhâ Habîb-i Kibriyâ
Mihr-i enver çeşme-sâr-ı lûtfunun peymânesi
Feyz-bahş-i âlem-i bâlâ Habîb-i Kibriyâ
Arş câh-ı kadrinin evc-âşiyân-ı rif’ati
Husrev-i kürsî-i istiğnâ Habîb-i Kibriyâ
Genc-i irfân ü kemâlin gevher-i yek-dânesi
Bahr-i râza lü’lü-i lâlâ Habîb-i Kibriyâ
Hil’at-ârâ-yı Leamrük tâcidâr-ı ıstıfâ
Fahr-i dünyâ mefhar-i ukbâ Habîb-i Kibriyâ
Tahtgâh-ı arş-ı â’lâ mesned-i şâhânesi Zîb-i
sadr-ı «yesribü batha» Habîb-i Kibriyâ
Mest-i ser-germ-i maâsîdır bugün şeydâ
Nazîm Eyleye şefkat meğer ferdâ Habîb-i
Kibriya Uçıarım ma’zûr ola evzâ’-ı küstâhânesi
Bakma noksan-ı Nazîm’e yâ Habîb-i Kibriyâ

Nazîm