Eser Sahibi : T. E. | Medya Türü : Naat |
İlim Dalı : Şiir | Konusu : Peygamberimiz |
Link : | |
Ekleyen : /2011-04-14 | Güncelleyen : /2011-04-14 |
DER NAAT-I HABÎB-İ HAZRET-İ KİBRİYÂ VE NÛR-İ ÇEŞM-İ ASFİYÂ ALEYH-İ EKMEL-EL-TEHÂYÂ
Nice arz eyleyim hâl-i tebâhım yâ Resûlallah
Sütün olmakta arşa dûd-i âhım yâ Resûlallah
Nola sâhil-res-i tâât kıl keştî-i lûtfunla
Garîk-i bahr-i bî-ka’r-i günâhım yâ Resûlallah
Aman şol perde-i nâmûs-i çâk ettirme mahşerde
Tutulmazdan yakam ol çâre-hâhım yâ Resûlallah
Eğer imdâd kılmazsan nolur hâl-i dil-i zârım
Günâh-âlûde gaayet rû-siyâhım yâ Resûlallah
Bu Şâdi bende-i nâçiz bir çâker kemînindir
Hayâlindir serîr-i dilde şâhım yâ Resûlallah
Süleyman Şâdî Efendi