Eser Sahibi : T. E. | Medya Türü : Naat |
İlim Dalı : Şiir | Konusu : Peygamberimiz |
Link : | |
Ekleyen : /2009-04-14 | Güncelleyen : /2009-04-14 |
NA’T-I NEBİYY-İ EKREM VE HABÎB-İ MUHTEREM SALLÂLLAHÜ TAÂLÂ ALEYH-İ VE SELLEM
Solmaz ebedî sünbül-i ferhâl-i Muhammed
Cennet gülüdür tâze ruh-i âl-i Muhammed
Benzer Hacer-ül-esvedine Kâ’be-i cânm
Ser-levhâ-i rûyinde siyeh hâl-i Muhammed
Yüz sürmez idi hâkine secde ile âdem
Bu rûy-i zemîn olmasa pâmâl-i Muhammed
Idbârı göründü milel-i zulmet-i küfrün
Pertev vericek gün gibi ikbâli Muhammed
Bûs etmeğe nevbet değe tâ inse melekden
Hâke sürünür dâmen-i iclâl-i Muhammed
Vermezdi cilâ âyine-i binişe takdir
Olmasa eğer mazhar-ı timsâl-i Muhammed
Hurşid-i münevverden alır pertevi encüm
Hâlet verir erbâb-ı dile hâl-i Muhammed
Gök hırka giyip tekke-i aşkında nüh eflâk
Olmuş ezelî şevk ile abdâl-i Muhammed
İysâ-yı nebî gerçi olup rûh-i İlâhî
Mahbûb-i Hudâ zât-ı pür efdâl-i
Muhammed Ser-menzile vâsıl olur elbette Belîğâ
Her kim ki ola rehrev-i dünbâl-i Muhammed
Beliğ [Mehmed Emin] (Ölm. 1758)